Rəşad Nəbi oğlu Nəbiyev
Rəqəmsal inkişaf və nəqliyyat naziri
Tərcümeyi-hal
Rəşad Nəbi oğlu Nəbiyev 1977-ci ildə anadan olub. 1994–2000-ci illərdə Azərbaycan Respublikasının Prezidenti yanında Dövlət İdarəçilik Akademiyasında təhsil alaraq dövlət və bələdiyyə idarəetməsi ixtisası üzrə bakalavr və magistr dərəcələri alıb. 2000–2002-ci illərdə ABŞ-ın Şərqi Karolina Universitetində iqtisadiyyat üzrə magistr dərəcəsi alıb.
1997–2000-ci illərdə Azərbaycan Respublikası Prezidentinin İcra Aparatında çalışıb. 2002–2004-cü illərdə Azərbaycan Mərkəzi Bankının bazar əməliyyatları departamentində, 2004–2011-ci illərdə Rabitə və İnformasiya Texnologiyaları Nazirliyinin maliyyə, mühasibat uçotu və iqtisadi təhlil şöbəsinin müdiri vəzifəsində işləyib. 2011-ci il yanvarın 24-də "Azərkosmos" ASC-nin sədri təyin edilib və bu vəzifədə 2021-ci ilədək çalışıb.
2021-ci il yanvarın 26-da Azərbaycan Respublikası Prezidentinin Sərəncamı ilə nəqliyyat, rabitə və yüksək texnologiyalar naziri təyin edilib. 2021-ci il oktyabrın 11-də Prezidentin Fərmanı ilə nazirlik Rəqəmsal İnkişaf və Nəqliyyat Nazirliyi adlandırılıb.
Xəbərlərdə
-
Rəşad Nəbiyev yeddi medal qazanan cüdoçuları təbrik etdi 11 oktyabr 2026
-
Nazir Rəşad Nəbiyev Bərdə şəhərində vətəndaşları qəbul edib 20 avqust 2024
-
Nazir Rəşad Nəbiyev Bərdədə vətəndaşları qəbul edəcək 13 avqust 2024
-
Rəşad Nəbiyev alman şirkətlərinin nümayəndələri ilə görüşüb 28 fevral 2024
-
Rəşad Nəbiyev Naxçıvanda vətəndaşları qəbul edəcək 9 yanvar 2024
-
Rəşad Nəbiyev İraqda səfərdə olub 8 dekabr 2023
-
Rəşad Nəbiyev Salyanda vətəndaşları qəbul edib 27 noyabr 2023
-
Rəşad Nəbiyev Zaqatalada vətəndaşları qəbul edəcək 29 sentyabr 2023