OMM Redaksiyası
1998-ci il dünya çempionu və 2000-ci il Avropa çempionu Fransa millisinin heyətində çıxış etmiş Kristof Düqari 2026-cı ilin “Qızıl top” mükafatının mümkün qalibi barədə fikirlərini bölüşüb.
Düqari mükafatı “Barselona”nın futbolçusu Lamin Yamala verməyəcəyini deyib. Onun fikrincə, ən yaxşı mövsümünü keçirməyən oyunçunun mükafatlandırılması düzgün seçim olmaz.
Keçmiş futbolçu mükafatı Harri Keynə təqdim etməyə üstünlük verəcəyini bildirib. “Mən onun oyun keyfiyyətlərinin pərəstişkarı deyiləm. O, mövsümdə 10 000 qol vura bilər, amma məni futboldan zövq almağa vadar edən oyunçu deyil. Bununla belə, o, məni hər oyunda təəccübləndirir. Ümumi xidmətlərinə görə bu futbolçunu mükafatlandırardım”, – deyə Düqari RMC-yə bildirib.
Düqari Yamalın ilk üçlükdə yer almağa layiq olduğunu da vurğulayıb.
