OMM Redaksiyası
“Santos”un hücumçusu Neymar “Barselona”nın vingeri Lamin Yamalı dünyanın ən yaxşı futbolçusu hesab edir.
Braziliyalı futbolçu sosial şəbəkə hesabında Sofascore-un paylaşımını yayımlayıb. Paylaşımda Yamalın 2026/27 mövsümündəki startı Neymarın 2017/18 mövsümündə “PSJ”də çıxış etdiyi dövrün göstəriciləri ilə müqayisə olunub.
Sofascore-un məlumatına görə, Yamalın mövsümün ilk 10 oyunundakı orta qiyməti 8,61 təşkil edib. Neymar paylaşımına “Lamin Yamal dünyanın ən yaxşı oyunçusudur” sözlərini əlavə edib.
Yamal 2026-cı il “Qızıl top” mükafatı uğrunda mübarizənin favoritlərindən biri sayılır. Təqdimetmə mərasimi oktyabrın 26-da keçiriləcək.
