OMM Redaksiyası
“Real Madrid”in keçmiş müdafiəçisi Dani Karvaxal yeni klubu “Xetafe”nin heyətində keçmiş komandasına qarşı oynamaq ehtimalı barədə danışıb. O, bu qarşılaşmanın “Santyaqo Bernabeu” stadionunda baş tutması ehtimalına dair suala cavab verib.
Karvaxaldan “Real Madrid”də 23 il keçirdikdən sonra başqa klubun formasında sabiq komandasına qarşı oynamağı təsəvvür edib-etmədiyi soruşulub.
“Düzünü desəm, hazırda təsəvvür etdiyim yeganə şey bazar ertəsi məşqçinin məni meydana buraxması və yenidən oynaya bilməyimdir. İndi yalnız bunu düşünürəm. Bundan sonra nə olacağını əvvəlcədən demək istəmirəm. Oynamaq istəyirəm, meydana çıxmağa səbirsizlənirəm. Növbəti matç ərəfəsində fikrim yalnız bundadır. Bilirəm, bu, klişe kimi səslənir, amma həqiqətdir. Axı sizə yalan danışa bilmərəm”, – Karvaxalın sözlərini AS yayıb.
Karvaxal “Xetafe”yə qoşulmazdan əvvəl “Real Madrid”də çıxış edib.
