OMM Redaksiyası
“Roma”nın baş məşqçisi Can Pyero Qasperini Madrid “Real”inin çalışdırıcısı Joze Mourinyonun komandasının UEFA Çempionlar Liqasının ümumi mərhələsinin ikinci turundakı oyunun sonlarında “ölü” olduğu barədə fikrinə münasibət bildirib.
Qasperini cavabında meydanda zəifləyən tərəfin “Real Madrid” olduğunu deyib: “Əgər meydanda kimsə ölürdüsə, onlar idi. Biz onları tamamilə üstələdik. Rəqib künc zərbələrindən qol vurdu, amma qalan vaxtda öz səviyyəsini göstərə bilmədi”.
Baş məşqçi həlledici dəqiqələrdə işi sona çatdırmağın vacibliyini vurğulayıb. O, “Real Madrid”in meydana çox təzə qüvvələr buraxdığını, “Roma”nın isə komandasının oyun üslubuna uyğun çıxış etməli və mənfi epizodları təhlil etməli olduğunu bildirib. Qasperinin sözlərini Tuttomercatoweb yayıb.
Oktyabrın 14-də Romada keçirilən görüşdə meydan sahibləri fasiləyə 1:1 hesabı ilə yollanıblar. Donyell Malen 51-ci və 57-ci dəqiqələrdə vurduğu qollarla “Roma”nı 3:1 önə çıxarıb. Lakin 82-ci dəqiqədə Espi, 85-ci dəqiqədə Endrik, 90-cı dəqiqədə isə Antonio Rüdiger fərqlənərək “Real Madrid”ə 4:3 hesablı qələbə qazandırıblar.
Ümumi mərhələnin üçüncü turunda “Roma” oktyabrın 20-də Bratislavanın “Slovan”ı ilə, “Real Madrid” isə oktyabrın 21-də “RB Leypsiq”lə qarşılaşacaq.
