OMM Redaksiyası
FİFA-nın keçmiş prezidenti Yozef Blatter qurumun hazırkı rəhbəri Canni İnfantinonun FİFA Şurasının iclasındakı çıxışına münasibət bildirib.
Blatter sosial şəbəkə X-dəki hesabında İnfantinonun çıxışını “möhtəşəm” adlandırıb. O, İnfantinonun, görünür, yaxşı katolik olduğunu, etiraf etdikdən sonra isə 25 milyon vəd etdiyini yazıb. Blatter bu çıxışı etiraf, indulgensiya və günahların bağışlanmasının bir arada olduğu çıxış kimi təsvir edib.
“Roma Papası bundan məmnun qalardı. Amma futbolda da, kilsədə olduğu kimi, etimadı pulla almaq mümkün deyil”, — Blatter qeyd edib.
İnfantino daha əvvəl dünya çempionatının yayım hüquqlarının satışı ilə bağlı qalmaqala görə tənqidçilərindən üzr istəyib. Bununla belə, ESPN-in məlumatına görə, o, FİFA Şurası üzvlərini ən çox narahat edən məsələlərə dair sənədlər və ya yeni təfərrüatlar təqdim etməyib.
