OMM Redaksiyası
“Barselona”nın baş məşqçisi Hans-Diter Flik İspaniya La Liqasının 8-ci turunda “Xetafe” ilə qarşılaşma ərəfəsində komandasının vingeri Lamin Yamal barədə danışıb.
Flik “Mundo Deportivo”ya açıqlamasında bildirib ki, Yamal dünyanın ən yaxşı futbolçusu olacaq, hətta artıq bu səviyyədə ola bilər.
“Onun işə münasibəti, psixoloji hazırlığı və hər gün daha yaxşı olmaq istəyi düzgün yanaşmadır. Hazırda məhz bu istiqamətdə irəliləyir və mən bundan çox məmnunam”, – deyə Flik bildirib.
Yamal bu mövsüm “Barselona”nın heyətində bütün turnirlərdə səkkiz oyun keçirib. O, həmin matçlarda səkkiz qol vurub və altı məhsuldar ötürmə edib.
“Barselona” – “Xetafe” matçı oktyabrın 10-da keçiriləcək.
