OMM Redaksiyası
“Barselona”nın baş məşqçisi Hansi Flik Çempionlar Liqasının ümumi mərhələsinin ikinci turunda “Qalatasaray”la keçirilən oyundan sonra Lamin Yamalın performansını dəyərləndirib. Kataloniya təmsilçisi İstanbulda baş tutan görüşdə rəqibini 4:1 hesabı ilə məğlub edib.
19 yaşlı ispaniyalı vinger qarşılaşmada iki məhsuldar ötürmə verib. Flik UEFA-nın rəsmi saytına açıqlamasında Yamalın xüsusilə fasilədən sonrakı çıxışını vurğulayıb.
“İkinci hissədə Lamin möhtəşəm oynadı və bu, bizim üçün çox vacib idi. O, əla fiziki formadadır və futboldan zövq alır. Fasilədən sonra necə oynadığını özünüz də gördünüz. O, matçın gedişini bizim xeyrimizə dəyişdi”, – deyə Flik bildirib.
Ümumi mərhələnin üçüncü turunda “Qalatasaray” oktyabrın 21-də səfərdə Fransanın “Lill” klubu ilə qarşılaşacaq. “Barselona” isə oktyabrın 20-də Parisdə PSJ-nin qonağı olacaq.
