OMM Redaksiyası
“Arsenal”ın yarımmüdafiəçisi Deklan Rays TNT Sports-a müsahibəsində “Bavariya”nın hücumçusu Harri Keynin “Qızıl top”u qazanmaq şanslarını dəyərləndirib. O, ingiltərəli futbolçunun statistikasının öz sözünü dediyini bildirib.
“O, mütləq bu mükafatı qazanmalıdır. Statistikası özü hər şeyi deyir, keçirdiyi il isə inanılmaz olub”, – Rays deyib.
Yarımmüdafiəçinin sözlərinə görə, Keynlə eyni komandada oynayanda onun nə qədər yaxşı futbolçu olduğunu, rəqib olanda isə onunla mübarizə aparmağın nə qədər çətin olduğunu anlamaq mümkündür.
Rays Keyni “fövqəladə futbolçu” adlandırıb və onunla eyni komandada oynamaq imkanına görə şanslı olduğunu, rəqib kimi qarşılaşanda isə özünü o qədər də şanslı hiss etmədiyini söyləyib.
