OMM Redaksiyası
“Bavariya”nın hücumçusu Harri Keyn Münhen klubu ilə yeni uzunmüddətli müqavilə imzalamağa yaxın olduqlarını təsdiqləyib. İngiltərə millisinin kapitanının sözlərini insayder Florian Plettenberq sosial şəbəkə X-də paylaşıb.
“Bu, həftələrlə deyil, bir neçə günlə bağlı məsələdir. Həftəsonu çox müsbət danışıqlar apardıq və bu gün də onları davam etdirdik. Müqavilənin uzadılması qaçılmazdır. Yalnız bir neçə xırda detalı həll etmək qalıb”, – deyə Keyn bildirib.
Plettenberqin məlumatına görə, 33 yaşlı futbolçunun “Bavariya” ilə yeni əmək müqaviləsi 2029-cu ilin yayına qədər qüvvədə olacaq.
Keyn 2023-cü ilin avqustundan “Bavariya”da çıxış edir. O, Münhen klubuna Londonun “Tottenhem” komandasından keçib. İngiltərəli hücumçu oktyabrın 26-da Londonda keçirilən təntənəli mərasimdə peşəkar karyerasında ilk dəfə “Qızıl top” mükafatına layiq görülüb.
