OMM Redaksiyası
“Arsenal”ın sabiq yarımmüdafiəçisi Samir Nasri Harri Keynin 2026-cı ilin “Qızıl top” mükafatını qazanmasını şərh edib. O, qərarla razılaşmadığını bildirib.
“Bunu heç cür başa düşmürəm. Keyn hətta Bundesliqanın ən yaxşı oyunçusu da deyil, Almaniya çempionatında ən yaxşı Maykl Olisedir. 2026-cı il dünya çempionatında da Keyn İngiltərə millisinin ən yaxşısı olmayıb. Mükafatın ona verilməsi nəyə əsaslanır? Yalnız vurduğu qollara? Bu, Ferran Torresin “PSJ”də 50 qol vurub, Liqa 1 və Fransa kubokunu qazandıqdan sonra “Qızıl top” almasına bənzəyərdi. Mükafatı Keynə yox, Yamalın qazanmasına üstünlük verərdim”, – Nasrinin sözlərini Actu Foot X sosial şəbəkəsində yayıb.
Keyn 2025/2026 mövsümündə “Bavariya” ilə Almaniya Superkubokunu, Almaniya kubokunu və Bundesliqanın çempionluğunu qazanıb. İngiltərə millisinin heyətində isə 2026-cı il dünya çempionatının bürünc medalını əldə edib.
İngiltərəli hücumçu 2025-ci ilin avqustundan 2026-cı ilin iyulunadək “Bavariya” və milli komanda üçün 65 oyunda 73 qol vurub.
