OMM Redaksiyası
“Arsenal” İngiltərə Liqa Kubokunun 1/8 finalında “Flitvud Taun”a uduzaraq mübarizəni dayandırıb. Qarşılaşmanın əsas vaxtı 1:1 hesabı ilə başa çatıb, penaltilər seriyasında isə IV divizion təmsilçisi 5:3 hesabı ilə qalib gəlib.
Squawka statistik xidmətinin məlumatına görə, “Arsenal” ölkənin dördüncü güclü divizionunda çıxış edən klubla oyunda turnirdən kənarlaşdırılan ilk hazırkı İngiltərə Premyer Liqası çempionu olub.
London klubu 2012/13 mövsümündə də IV divizionda çıxış edən “Bradford Siti”yə Liqa Kubokunun 1/4 finalında penaltilər seriyasında məğlub olub. Hər iki görüşdə “Arsenal” penaltilərlə uduzub.
