OMM Redaksiyası
Türkiyə Super Liqasının 10-cu turunda “Gənclərbirliyi” Eryaman stadionunda “Alanyaspor”u qəbul edib və 5:0 hesabı ilə qalib gəlib.
Ev sahibi komanda hesabı oyunun ilk dəqiqəsində açıb. İrfan Can Eğribayatın uzun ötürməsindən sonra Traore sağ cinahda topa yiyələnib və onu Tongyaya ötürüb. Tongya topu cərimə meydançasına qədər apararaq Oğulcan Ülgünə verib. Onun cərimə qövsü yaxınlığından zərbəsi müdafiəçiyə dəyərək qapıdan keçib.
24-cü dəqiqədə Duarte cərimə meydançasına daxil olarkən zərbə endirib, top dirəyin yanından auta çıxıb. 35-ci dəqiqədə Makoutanın penalti nöqtəsi yaxınlığından vurduğu topa İrfan Can Eğribayat müdaxilə edib, top üst dirəkdən qayıdıb. 40-cı dəqiqədə Gouveianın zərbəsini qapıçı Viktor dəf edib. İlk hissə “Gənclərbirliyi”nin 1:0 üstünlüyü ilə başa çatıb.
59-cu dəqiqədə Traorenin ötürməsindən sonra Tongya yaxın məsafədən hesabı 2:0 edib. Gouveia 65-ci dəqiqədə cərimə meydançasına daxil olmadan vurduğu zərbə ilə fərqi artırıb. 69-cu dəqiqədə Tongyanın cinahdan asmasını Mendes baş zərbəsi ilə qola çevirib.
79-cu dəqiqədə İrfan Can Eğribayatın uzun ötürməsindən sonra Gouveia sol cinahdan cərimə meydançasına daxil olaraq matçın yekun hesabını müəyyənləşdirib: 5:0.
