OMM Redaksiyası
Türkiyə Super Liqasının 10-cu turunda “Kasımpaşa” ilə “Beşiktaş” Recep Tayyip Erdoğan stadionunda qarşılaşıb. Oyun 2:2 hesabı ilə başa çatıb.
28-ci dəqiqədə Trossard Rıdvan Yılmazın ötürməsindən sonra qapıçı Gianniotisi məyus edərək “Beşiktaş”ı önə keçirib. Komanda ilk hissəni 1:0 hesablı üstünlüklə tamamlayıb.
Qonaqlar 47-ci dəqiqədə fərqi artırıblar. Murillonun ötürməsindən sonra Vlahoviç topu uzaq küncə göndərib. “Kasımpaşa” 60-cı dəqiqədə Winckin başla vurduğu qolla hesab arasındakı fərqi azaldıb.
87-ci dəqiqədə Kerem Demirbayın ötürməsini başla qapıya göndərən Rafferti “Kasımpaşa”ya bərabərlik qazandırıb. Görüş 2:2 hesabı ilə yekunlaşıb.
