“Bavariya”nın hücumçusu Harri Keyn “Qızıl top” mükafatını qazanması ilə bağlı fikirlərini bölüşüb. O, mükafatın sahibi olmaqdan qürur duyduğunu və onu doğma şəhərində almasının anı daha özəl etdiyini bildirib.
Keyn adının Ronaldo, Kriştiano Ronaldu, Lionel Messi və Gerd Müller kimi futbolçularla eyni sırada çəkilməsini böyük şərəf sayıb. Həmin axşam mükafatı ona Ronaldo təqdim edib. Hücumçu karyerasının əvvəlində icarə əsasında çıxış etdiyi dövrü xatırladaraq bunun özünəinamlı və dözümlü olmasına kömək etdiyini deyib.
İngiltərəli futbolçunun sözlərinə görə, “Bavariya”ya keçdikdən sonra daha bir addım irəli gedib və hazırda formasının zirvəsində olduğunu hiss edir. Keyn “Qızıl top”u qazanmasının dünya üzrə insanların ona münasibətini dəyişdirdiyini düşündüyünü qeyd edib.
O, azarkeşlərin coşqusunu və reaksiyasını əvvəlcə lazımınca qiymətləndirmədiyini söyləyib. Mərasimdən sonra onu küçədə gözləyən fanatların qarşısında kuboku qaldırarkən heç vaxt unutmayacağı sehrli an yaşadığını vurğulayıb. Keynin fikirlərini Foot Mercato yayıb.