“Real Madrid” “Como”nun yarımmüdafiəçisi Niko Pası geri almaq üçün müqavilədəki müvafiq bəndi aktivləşdirməyi planlaşdırır. COPE-nin məlumatına görə, Madrid klubu futbolçunun transferi üçün 2027-ci ilin yayında 80 milyon avro ödəməyə hazırdır.
Jurnalist Melçor Ruiz “Real Madrid”in yaxın transfer pəncərəsində bu keçidi həyata keçirmək niyyətində olduğunu bildirib. Pas klubun yetirməsidir.
Ötən mövsümlərarası fasilədə “Como” 22 yaşlı futbolçunun transfer hüquqlarını “Real Madrid”dən 60 milyon avroya alıb. Bundan əvvəl İtaliya klubu yarımmüdafiəçini 6 milyon avroya icarəyə götürmüşdü.
Pas cari mövsümdə A Seriyası və Çempionlar Liqasında ümumilikdə 14 oyun keçirib. O, bu matçlarda 6 qol vurub və 8 məhsuldar ötürmə edib.