OMM Redaksiyası
Madridin “Real Madrid” klubu almaniyalı müdafiəçi Antonio Rüdigerin mümkün əvəzləyicisini müəyyənləşdirib.
"Operativ Məlumat Mərkəzi-OMM" “MadridistaHoy” nəşrinə istinadən xəbər verir ki, klubun planına öz yetirməsi Jakobo Ramonun qaytarılması daxildir.
21 yaşlı ispaniyalı 2025-ci ilin yayından İtaliyanın “Como” klubunda çıxış edir və “Real Madrid”in Rüdigeri əvəzləmək üçün əsas transfer hədəfi hesab olunur.
Ramonun cari mövsüm göstəriciləri
Ramon bu mövsüm bütün turnirlər nəzərə alınmaqla altı oyunda meydana çıxıb və bir qol vurub.
Futbolçunun “Como” ilə müqaviləsi 2030-cu ilin yayına qədər qüvvədədir.
“Transfermarkt” portalı ispaniyalı müdafiəçinin bazar dəyərini 45 milyon avro qiymətləndirir.
Qeyd edək ki, daha əvvəl “Real Madrid”in 33 yaşlı Rüdigerlə müqaviləni uzatmaq niyyətində olmadığı barədə məlumat yayılmışdı.
