Azərbaycan xarici işlər naziri Ceyhun Bayramov niderlandlı həmkarını azad olunmuş ərazilərdəki bərpa-quruculuq işləri barədə məlumatlandırıb.
“Operativ Məlumat Mərkəzi-OMM”-in məlumatına görə, Azərbaycan XİN başçısı bu barədə niderlandlı həmkarı Tom Berendsenlə bu gün Bakıda mətbuat üçün brifinqdə danışıb.
Nazirin sözlərinə görə, görüşdə Azərbaycan-Ermənistan münasibəti, Vaşinqton görüşündən sonrakı müsbət dinamika, azad olunmuş ərazilərdəki bərpa-quruculuq, keçmiş məcburi köçkünlərin geri qayıdışı, mina təhdidi barədə də fikir mübadiləsi aparılıb.
"Eləcə də Yaxın Şərqdəki qeyri-stabil vəziyyəti, Rusiya-Ukrayna münaqişəsini və digər beynəlxalq gündəmi də həmkarımla müzakirə etdik", - C.Bayramov qeyd edib.
Nazir əlavə edib ki, Niderland XİN başçısının bu səfəri iki ölkənin münasibətlərinin inkişafı baxımından faydalı olacaq.
