OMM Redaksiyası
“Mançester Siti”nin və City Football Group (CFG) holdinqinin sahibi Şeyx Mansur bin Zayed Al Nəhyan idman layihəsinə uzunmüddətli sadiqliyini təsdiqləyərək əlavə 100 milyon funt (təxminən 115 milyon avro) investisiya yatırıb. Bu barədə Britaniyanın City A.M. biznes nəşri məlumat yayıb.
Nəşrin Britaniya Şirkətlər Reyestrinin (Companies House) məlumatlarına istinadən yazdığına görə, holdinq oktyabrın 14-də 11 327 163 yeni səhm buraxılışını qeydə alıb. Bu, doqquzrəqəmli məbləğdə investisiya cəlb etməyə imkan verib.
CFG-nin rəsmi nümayəndəsi bütün səhmləri Şeyx Mansurun Newton Investment and Development şirkətinin aldığını təsdiqləyib. Bunun nəticəsində onun holdinqdəki nəzarət payı 81 faizə yüksəlib.
Maliyyə əməliyyatı İngiltərə Premyer Liqasının klubu təqsirli hesab edən komissiyasının qərarının açıqlanmasından cəmi iki həftə sonra tamamlanıb. “Mançester Siti” ilə liqa arasındakı məhkəmə çəkişmələri isə davam edir.
