OMM Redaksiyası
AFFA prezidenti Rövşən Nəcəf Azərbaycan millisinin UEFA Millətlər Liqasının qrup mərhələsində Lixtenşteyn üzərində qazandığı qələbə münasibətilə komandanı təbrik edib.
Nəcəf sosial şəbəkə hesabında paylaşım edərək millimizin səfər qələbəsi ilə D Liqasının 2-ci qrupunda birinci yeri təmin etdiyini bildirib.
“Milli komandamız Lixtenşteyn üzərində səfər qələbəsi qazanaraq UEFA Millətlər Liqasının D Liqasının 2-ci qrupunda birinci yeri təmin etdi. Təbriklər, millimiz!”
Lixtenşteyn – Azərbaycan qarşılaşması yığmamızın 1:0 hesablı qələbəsi ilə başa çatıb. Qələbə qolunu 26-cı dəqiqədə Mahir Emreli vurub.
