OMM Redaksiyası
“Real Madrid”in klub televiziyası La Liqanın 10-cu turunda “Barselona” ilə keçirilən oyunda hakimlik və VAR qərarları barədə narazılığını bildirib. “Spotify Kamp Nou” stadionunda oynanılan qarşılaşma Madrid təmsilçisinin 2:1 hesablı qələbəsi ilə başa çatıb.
Hesabı 41-ci dəqiqədə Kilian Mbappe açıb. Rafinya 61-ci dəqiqədə tarazlığı bərpa edib, Mbappe isə 87-ci dəqiqədə vurduğu qolla “Real Madrid”ə qələbə qazandırıb. Görüşün baş hakimi Xuan Martines Munuera olub.
Klub televiziyası VAR-ın Xoau Kanselunun Diomandenin ayağını tapdaladığı, Lamin Yamalın Cud Bellinqemin ayağını tapdaladığı epizodlara və Alexandro Baldenin əllə oyunu ehtimalına baxmamasını sual edib.
“Bəziləri deyir ki, biz hakimlər barədə yalnız nəticələrimiz pis olanda danışırıq ki, insanların diqqətini yayındıraq və ya buna bənzər nəsə edək. Amma indicə “El-Klasiko”nu qazandıq və bunu elə indi açıq deyək”, – klub televiziyasının açıqlamasını AS nəşri yayıb.
