OMM Redaksiyası
“Real”ın hücumçusu Kilian Mbappe Madrid klubunda 100-cü qolunu vurub. O, bu göstəriciyə İspaniya La Liqasının 10-cu turunda “Barselona” ilə keçirilən oyunda çatıb. “Real” səfərdə 2:1 hesabı ilə qalib gəlib.
“Spotify Kamp Nou” stadionunda keçirilən qarşılaşmada hesabı Mbappe 41-ci dəqiqədə açıb. Rafinyo 61-ci dəqiqədə tarazlığı bərpa edib, Mbappe isə 87-ci dəqiqədə dublunu rəsmiləşdirərək qələbə qolunu vurub. Bu qollar fransalı futbolçunun “Real” forması ilə 99-cu və 100-cü qolları olub. Oyunun baş hakimi Xuan Martines Munuera olub.
Mbappe cari mövsümdə bütün turnirlərdə “Real”ın heyətində 13 matça çıxıb, 14 qol vurub və üç məhsuldar ötürmə verib.
La Liqada 10 oyundan sonra “Barselona” 27 xalla turnir cədvəlinə başçılıq edir. “Real” 24 xalla üçüncü pillədə qərarlaşıb.
