OMM Redaksiyası
“Barselona”nın yarımmüdafiəçisi Fermin Lopez Madrid klubunun hakimlərlə bağlı tənqidi ritorikasını bölüşmədiyini bildirib. Futbolçu bu müzakirələrə qoşulmadıqlarını və komandasının meydanda öz səviyyəsini göstərdiyini deyib.
“Biz hakimlərlə bağlı mübahisələrə qoşulmuruq. Hər şeyi düzgün edirik: qalib gəlir və “Barselona”nın təmsil etdiyi dəyərləri nümayiş etdiririk. İrəliləməyə davam etməliyik. Onlar bu cür ritorikadan istifadə edirlərsə, bu, yalnız mübahisələri qızışdırır. Onların ritorikası artıq bezdirib, biz isə meydanda həqiqi səviyyəmizi göstəririk”, – deyə Lopez bildirib.
AS futbolçunun sözlərini Caze TV-yə istinadən yayıb.
“Barselona” ilə “Real Madrid” La Liqanın 10-cu turunda üz-üzə gələcək. Qarşılaşma oktyabrın 25-də Barselonadakı “Spotify Kamp Nou” stadionunda keçiriləcək. Oyun Moskva vaxtı ilə saat 23:00-da, Bakı vaxtı ilə oktyabrın 26-da saat 00:00-da başlayacaq.
