Laporta “Real Madrid”lə münasibətlərin bitdiyini açıqladı

“Barselona”nın prezidenti Joan Laporta “Real Madrid”in La Liqada hakimliklə bağlı tənqidlər vasitəsilə öz uğursuzluqlarından diqqəti yayındırmağa çalışdığını bildirib. L’Equipe Laportanın açıqlamasını dərc edib.

Klubla münasibətlər barədə danışan Laporta “Real Madrid”lə münasibətlərin artıq olmadığını deyib: “Hətta deyərdim ki, hazırda qarşıdurma vəziyyətindəyik. Onlar diqqəti yayındırmağa çalışırlar”.

Negreyra işi barədə sualı cavablandıran Laporta “Real Madrid”in bu cəhdinin alınmadığını bildirib. Onun sözlərinə görə, Madrid klubu həm institusional baxımdan, həm də meydanda etibarını itirib və rəhbər strukturlarda artıq təmsil olunmur.

Laporta “Real Madrid”in yanlış yol seçdiyini və bunun nəticələrini çəkdiyini də söyləyib. O, klubun çoxsaylı bahalı futbolçular üçün böyük məbləğ xərclədiyini, lakin onların gözlənilən nəticəni vermədiyini qeyd edib.

“Barselona” ilə “Real Madrid” La Liqanın 10-cu turunda oktyabrın 25-də, Moskva vaxtı ilə saat 23:00-da üz-üzə gələcək. Bu, Bakı vaxtı ilə oktyabrın 26-da saat 00:00-a uyğundur.