OMM Redaksiyası
PSJ qış transfer pəncərəsində “Atletik Bilbao”nun cinah hücumçusu Niko Uilyamsı transfer etmək variantını nəzərdən keçirir. Buna səbəb Paris klubunun cinah oyunçusu Xviça Kvaratsxeliyanın sağ dizinin ön çarpaz bağının qopmasıdır. Sport.es bu barədə Eurosport-a istinadən məlumat yayıb.
Məlumata görə, 24 yaşlı Uilyams PSJ-nin heyətini gücləndirmək üçün ciddi namizədlərdən biridir. Paris klubu futbolçunu bir neçə ildir izləyir.
Uilyams bu mövsüm La Liqada yeddi oyunda meydana çıxıb və bir qol vurub. Onun klubla hazırkı müqaviləsi 2035-ci ilin yayına qədər qüvvədədir. Transfermarkt portalının məlumatına əsasən, futbolçunun bazar dəyəri 40 milyon avrodur.
