OMM Redaksiyası
“Barselona”nın yarımmüdafiəçisi Rodri qarşıdakı El Klasiko barədə fikirlərini bölüşüb. Kataloniya təmsilçisi La Liqanın 10-cu turunda “Kamp Nou”da “Real Madrid”i qəbul edəcək.
“İspaniya futboluna qayıtmaq və El Klasikoda oynamaq böyük sevincdir. Bunun dünya miqyasında nə qədər əhəmiyyətli hadisə olduğunu nəzərə alsaq, bu cür matçların yeri ayrıdır”, – Rodri Marca-ya açıqlamasında deyib.
O, İngiltərə Premyer Liqasında çıxış etmiş futbolçuların La Liqada mümkün olan diqqəti və rezonansı almadığını bildirib: “Məsələn, Premyer Liqada oynamış futbolçulara o qədər də dəyər verilmirdi və onlar La Liqada mümkün olan rezonansı qazanmırdılar”.
Rodri belə qarşılaşmalarda oynamaq fürsəti əldə etdiyinə görə özünü şanslı saydığını söyləyib. Onun sözlərinə görə, El Klasikoya bütün dünyanın diqqəti yönəlir və hamı matçı izləmək üçün dayanır. Yarımmüdafiəçi oyunun yaxşı keçəcəyinə ümid etdiyini də əlavə edib.
“Barselona” – “Real Madrid” oyunu oktyabrın 25-də Bakı vaxtı ilə saat 00:00-da başlayacaq.
