OMM Redaksiyası
“Santos”un hücumçusu Neymar Braziliya çempionatının növbəti üç matçında meydana çıxa bilməyəcək. Globo-nun məlumatına görə, 34 yaşlı futbolçu iki oyunu Braziliya Ali İdman Məhkəməsinin İntizam Komissiyasının qərarına əsasən, bir oyunu isə sarı vərəqə limitini aşdığı üçün buraxacaq.
İntizam araşdırmasına çempionatın 32-ci turunda “Baiya” ilə 1:1 hesablı oyunda baş verən hadisə səbəb olub. Görüşün fasiləsində Neymar rəqib komandanın yarımmüdafiəçisi Rodriqo Nestorla mübahisə edib və danışarkən ağzını əli ilə örtüb. Hadisədən sonra braziliyalı futbolçu birbaşa qırmızı vərəqə alıb.
İntizam Komissiyasının qərarı oktyabrın 28-də çıxarılıb. Neymar oktyabrın 28-də “Palmeyras”, noyabrın 2-də “Bragantino” və noyabrın 18-də “Kuritiba” ilə oyunlarda iştirak etməyəcək.
