OMM Redaksiyası
Portuqaliya millisinin sabiq yarımmüdafiəçisi Manişe milli komandanın və Səudiyyə Ərəbistanının “Əl-Nəsr” klubunun hücumçusu Kriştiano Ronaldunun 29 və ya 30 yaşında futbolçu karyerasını başa vura biləcəyini bildirib.
Manişe “FourFourTwo”ya açıqlamasında Ronaldunun həmin yaşda maliyyə baxımından sabit olduğunu və Çempionlar Liqasını qazandığını xatırladıb. O, buna baxmayaraq, portuqaliyalı futbolçunun yarışmağı, özündən maksimumunu tələb etməyi və ulduz olmağı sevdiyini deyib.
Sabiq yarımmüdafiəçinin fikrincə, 40 yaşında da oynamaq üçün inanılmaz peşəkarlıq və öz işinə dərin hörmət lazımdır; heç nəyə təkcə bəxtin hesabına nail olunmur. Manişe Ronaldunu gənc futbolçular üçün nümunə adlandırıb və zirvəyə çatmaq üçün yalnız pul barədə düşünməməyin, bir çox şeyi düzgün etməyin vacibliyini vurğulayıb.
Manişe əlavə edib ki, Ronaldu dünyanın ən yaxşısı olmaq və onun haqqında danışılmasını sevir. Onun sözlərinə görə, bu xüsusiyyətlər futbolçunun şəxsiyyətinin bir hissəsidir.
