OMM Redaksiyası
“İnter Mayami”nin argentinalı hücumçusu Lionel Messi “Barselona”nın onun üçün nə ifadə etdiyi barədə danışıb. Kataloniya klubunda çıxış etdiyi müddətdə o, çoxsaylı komanda titulları və fərdi mükafatlar qazanıb.
“‘Barselona’ mənim üçün nə deməkdir? O qədər gözəl anlar yaşanıb ki, bu klubun mənasını bir neçə sözlə ifadə etmək çətindir. Şəhərə və kluba qarşı çox xüsusi sevgi hiss edirəm”, – Messi deyib.
Onun sözlərinə görə, Barselonada hər şeyi qazanmaq onlara nəsib olub. Messi bunu yalnız əldə etdikləri nəticələrlə deyil, uğurlara necə çatmaları və oyunlardan, qələbələrdən, mühüm nailiyyətlərdən nə qədər zövq almaları ilə də əlaqələndirib.
“Amma ən vacibi gündəlik həyatın xırdalıqlarından, məşqlərdən və birlikdə keçirdiyimiz gözəl anlardan zövq almaqdır”, – argentinalı futbolçunun sözlərini “All About Argentina” sosial şəbəkə X-də yayıb.
