OMM Redaksiyası
Argentina millisinin və “Barselona”nın sabiq hücumçusu Lionel Messi karyerasının iki əsas qolunu seçməkdə çətinlik çəkib.
“Həyatımda xüsusi yer tutan iki qolu seçməli olsaydım, açığı, bilmirəm. Seçim etmək çox çətindir. Millidə vurduğum dünya çempionatı finalındakı qolu seçərdim, yəqin. Bu qolun mənası, vurulduğu an və oyunun əhəmiyyəti buna səbəbdir”, – Messi bildirib.
O, “Barselona”da vurduğu qollar arasından isə Çempionlar Liqasının finalında, “El-Klasiko”da və ya xüsusilə vacib başqa bir matçda fərqləndiyi qolu seçə biləcəyini deyib. Bununla belə, karyerasının ən vacib iki qolunu müəyyənləşdirməyin həqiqətən çətin olduğunu vurğulayıb.
Messinin sözlərini EFE-yə istinadən “All About Argentina” sosial şəbəkə X-də paylaşıb.
