OMM Redaksiyası
“Barselona”nın keçmiş prezidenti Joan Qaspar Lionel Messinin Kataloniya klubundan azarkeşlərlə vidalaşmaq istəməməsini tənqid edib. Qasparın sözlərinə görə, Messi bunu klubun prezidenti Joan Laporta olduğu müddətdə etmək istəmir.
Qaspar A Bola-ya açıqlamasında Messinin dünyanın ən yaxşı futbolçularından biri olduğunu, lakin “Barselona”nın ondan üstün tutulmalı olduğunu deyib. Keçmiş prezident argentinalı hücumçunu klubun təkliflərini, hətta təvazökar vida mərasimi təkliflərini belə rədd etməməyə çağırıb.
“O, prezidentin Laporta olmasına görə vida mərasimindən imtina etməməli və onun vəzifədən getməsini gözləməməlidir. Messi “Barselona”ya qayıdışını Laportanın klubda olub-olmamasından asılı vəziyyətə salarsa, belə mərasimə qatılmaram”, – Qaspar bildirib.
Qaspar əlavə edib ki, Messi klubla vidalaşmağa gəlməlidir və bunun üçün prezidentin kim olmasının əhəmiyyəti yoxdur. O, futbolçunu 13 yaşında “Barselona”ya dəvət etdiyini də xatırladıb.
Messi 2003-2021-ci illərdə “Barselona”da çıxış edib. O, Argentina millisinin Beninə 3:0 hesabı ilə qalib gəldiyi yoldaşlıq görüşündə bir qol vurub və iki məhsuldar ötürmə edib.
