OMM Redaksiyası
Kataloniyanın “Barselona” klubunun prezidenti Joan Laporta “İnter Mayami”nin argentinalı hücumçusu Lionel Messini 2026-cı il üçün idman sahəsində Asturiya Şahzadəsi mükafatını qazanması münasibətilə təbrik edib. O, sosial şəbəkə hesabında Messinin futbolçu və şəxsiyyət kimi yolunun bu mükafata layiq olduğunu bildirib.
“Leo, 2026-cı il üçün idman sahəsində Asturiya Şahzadəsi mükafatını almağın münasibətilə səni təbrik edirəm. Bu, futboldakı və insani yolunun layiqli qiymətləndirilməsidir. İstedadın sayəsində həyatının klubu olan “Barselona”nı keçmişdə, indi və gələcəkdə daha da böyük etmisən. Messi və “Barselona”, “Barselona” və Messi — hamımızın qürur duyduğu və əbədi olmasını istədiyimiz ortaq uğur hekayəsidir”, — Laporta yazıb.
Messi mükafatı oktyabrın 23-də Ovyedo şəhərindəki Kampoamor teatrında keçirilən mərasimdə alıb. O, bu mükafata fərdi qaydada layiq görülən tarixdə ilk futbolçu olub.
Jüri Messinin idman karyerasını, istedadını və aztəminatlı ailələrdən olan uşaqların təhsil və tibbi yardıma çıxış imkanlarını genişləndirməyə yönəlmiş xeyriyyə fəaliyyətini qeyd edib.
