OMM Redaksiyası
Azərbaycanda oktyabrın 23-də hava şəraiti əsasən dəyişkən buludlu olacaq. Bakıda və Abşeron yarımadasında gün ərzində əsasən yağmursuz hava gözlənilir.
"Operativ Məlumat Mərkəzi-OMM" Ekologiya və Təbii Sərvətlər Nazirliyinin Milli Hidrometeorologiya Xidmətinə istinadən xəbər verir ki, paytaxtda və Abşeron yarımadasında havanın temperaturu 19-21 dərəcə isti olacaq.
Atmosfer təzyiqi 767 millimetr civə sütunu, nisbi rütubət isə 45-65 faiz təşkil edəcək. Şimal-şərq küləyi əsəcək, bəzi saatlarda küləyin sürətinin artacağı ehtimal olunur.
Ölkənin rayonlarında isə hava şəraitinin yağıntılı keçəcəyi proqnozlaşdırılır. Dağlıq və dağətəyi ərazilərdə qısamüddətli leysan yağacağı, şimşək çaxacağı, bəzi ucqar ərazilərdə dolu düşəcəyi və qar yağacağı gözlənilir. Rayonlarda havanın temperaturu 19-24 dərəcə isti olacaq.
Proqnoza əsasən, həftəsonu Bakıda və Abşeron yarımadasında hava əsasən yağmursuz keçəcək. Bəzi saatlarda qısamüddətli, çiskin xarakterli yağış ehtimalı var.
Yağıntılı rayonlarda sakinlərə təhlükəsizlik qaydalarına əməl etmək tövsiyə olunur.
