OMM Redaksiyası
“Bavariya”nın və İngiltərə millisinin hücumçusu Harri Keyn ilin ən yaxşı hücumçusu nominasiyasında qalib gəlməsinə münasibət bildirib. O, “Qızıl top”un təşkilatçılarına və “France Football”a təşəkkür edib.
“Hamıya təşəkkür edirəm. İlk növbədə “Qızıl top”un təşkilatçılarına və “France Football”a minnətdarlığımı bildirmək istəyirəm. Ötən il mənim üçün inanılmaz oldu və əldə etdiklərimlə qürur duyuram. Şübhəsiz ki, bu, karyeramın ən yaxşı mövsümü idi. Bu qədər qol vurmaq bütün komandanın xidmətidir”, – Keyn BBC-nin yaydığı açıqlamasında deyib.
Hücumçu ona təvazökar qalmağa və reallıqla əlaqəsini itirməməyə kömək edən insanların yanında olduğunu bildirib. Keyn həyat yoldaşı Keytə də təşəkkür edərək, bu yolu birlikdə keçdiklərini və onun dəstəyi olmadan uğurlarının mümkün olmayacağını söyləyib.
2025/2026 mövsümündə Keyn “Bavariya” ilə Superkubokun və Almaniya Kubokunun qalibi olub, Bundesliqada çempionluq qazanıb. İngiltərə millisinin heyətində isə 2026-cı il dünya çempionatının bürünc medalını əldə edib. O, 2025-ci ilin avqustundan 2026-cı ilin iyulunadək “Bavariya” və İngiltərə millisində keçirdiyi 65 oyunda 73 qol vurub.
