Osimhen “Fənərbaxça” üzərində qələbədən sonra Batrakovu təriflədi

“Qalatasaray”ın hücumçusu Viktor Osimhen Türkiyə Superliqasının 9-cu turunda “Fənərbaxça”ya 2:1 hesabı ilə qalib gəldikləri oyundan sonra komanda yoldaşı Aleksey Batrakov barədə danışıb.

Osimhen Batrakovu qeyri-adi və inanılmaz futbolçu, həmçinin möhtəşəm insan adlandırıb. Onun sözlərinə görə, Batrakov soyunub-geyinmə otağında da yaxşı ab-hava yaradır, Türkiyə və “Qalatasaray” barədə öyrənməyə, klubun əfsanələrini daha yaxından tanımağa çalışır.

Hücumçu Batrakovun cəmi iki aydır komandada olmasına baxmayaraq, sanki iki ildir klubda çıxış etdiyini deyib. Osimhen əvvəlki oyunları izləyərkən Batrakovun meydanda nə edəcəyini anladığını və onun keçmiş klublarında digər hücumçularla qarşılıqlı fəaliyyətini müşahidə etdiyini bildirib.

“O, mənə hansı qaçışları edə biləcəyimi izah etdi. Başqa klubda olsaydı, ona qibtə edərdim. Ümid edirəm ki, zədəsiz qalacaq və bizə kömək etməyə davam edəcək”, – deyə Osimhenin sözlərini NTV Spor yayıb.