Harri Keyn yeni mövsümdə də “Bavariya”da qalmaq istəyir

“Bavariya”nın hücumçusu Harri Keyn karyerasını Münhen klubunda davam etdirmək istəyir.

"Operativ Məlumat Mərkəzi-OMM" “Football Insider” nəşrinə istinadən xəbər verir ki, 33 yaşlı futbolçunun prioriteti “Bavariya”da qalmaqdır.

Keyn özünü Münhendə xoşbəxt hiss edir və klubla yeni üçillik müqavilə imzalamaq üçün danışıqlar aparır.

İngiltərəli hücumçuya “Mançester Yunayted”in maraq göstərdiyi qeyd olunur. Mançester klubu Keyn “Tottenhem”də çıxış etdiyi dövrdə də onu transfer etməyə çalışıb.

Lakin London təmsilçisi futbolçunu birbaşa rəqibinə satmaqdan imtina edib və nəticədə Keyn “Bavariya”ya keçib.

Keyn cari mövsümdə bütün turnirlərdə yeddi matçda iştirak edib. O, bu görüşlərdə altı qol vurub və bir məhsuldar ötürmə edib.