Afət Ziyadqızı
Türkiyə Prezidenti Rəcəb Tayyib Ərdoğan Türk Dövlətləri Təşkilatının (TDT) 13-cü Zirvə görüşündə iştirak etmək üçün Ankarada səfərdə olan Özbəkistan Prezidenti Şavkat Mirziyoyevlə görüşüb.
"Operativ Məlumat Mərkəzi-OMM" xəbər verir ki, bu barədə "TRT Haber" məlumat yayıb.
Ərdoğan Özbəkistan liderini Prezident Kompleksinin girişində rəsmi qaydada qarşılayıb. Liderlər iki ölkənin dövlət bayraqları önündə xatirə fotosu çəkdirdikdən sonra təkbətək görüşə keçiblər.
Müzakirələrdən sonra Türkiyə və Özbəkistan arasında müxtəlif sahələri əhatə edən ikitərəfli sazişlərin imzalanma mərasiminin keçirilməsi nəzərdə tutulur.
