Afət Ziyadqızı
İran Prezidenti Məsud Pezeşkian Milli Təbiət Ərazilərinin Qoruyucuları Günü münasibətilə keçirilən tədbirdə çıxışı zamanı mühüm regional mesajlar verib.
“Operativ Məlumat Mərkəzi-OMM” bu barədə İran Prezident Administrasiyasının məlumatına istinadən xəbər verib.
Pezeşkian bölgə dövlətlərinin təhlükəsizliyi xarici müdaxilə olmadan, birgə səylərlə təmin edə biləcəyini vurğulayıb: “Ətrafımızdakı bütün ölkələrlə qardaşıq və hamımız müsəlmanıq. Buna görə də bir-birimizə yardım edə və bölgəmizin təhlükəsizliyini özümüz təmin edə bilərik”.
İran dövlət başçısı ABŞ-nin hərbi büdcəsinin böyük hissəsini silahlanmaya ayırdığını iddia edərək Vaşinqtonun regional siyasətini sərt tənqid edib. Pezeşkian bildirib ki, insanlığa qarşı cinayətlər törədən ABŞ-nin təhlükəsizlik bəhanəsilə dünyanın digər ucundan bölgəyə gəlməsinə heç bir ehtiyac yoxdur.
