Balde "Barselona"dakı gələcəyi ilə bağlı qərarını verdi

"Barselona"nın sol cinah müdafiəçisi Alehandro Balde karyerasını Kataloniya təmsilçisində davam etdirmək qərarına gəlib. 22 yaşlı futbolçu klubunu dəyişmək fikrində deyil.

"Operativ Məlumat Mərkəzi-OMM" xarici KİV-ə istinadən xəbər verir ki, "Barselona" rəhbərliyi heyəti gücləndirmək məqsədilə Baldenin mövqeyinə yeni transfer etməyi planlaşdırır və müəyyən şərtlər daxilində onun satışını nəzərdən keçirə bilər.

Buna baxmayaraq, klub rəhbərliyi gənc oyunçunu istəyi əleyhinə komandadan ayrılmağa məcbur etməyəcək.

Balde özü də vəziyyəti dərk edir. O, yeni transferdən sonra əsas heyətdə daimi oyun praktikası qazanmaq şansının azalacağını bilsə də, klubdan getmək istəmir.

Xatırladaq ki, Alehandro Balde ötən mövsüm Hans-Diter Flikin rəhbərliyi altında çıxdığı 42 matçda 3 məhsuldar ötürmə ilə yadda qalıb. "Transfermarkt" portalı isə ispan müdafiəçinin transfer dəyərini 55 milyon avro olaraq qiymətləndirir.