OMM Redaksiyası
“Barselona”nın sol cinah müdafiəçisi Alexandro Balde bu mövsüm komandanın heyətində cəmi 12 dəqiqə meydanda olub.
"Operativ Məlumat Mərkəzi-OMM" “Independent” nəşrinə istinadən xəbər verir ki, 22 yaşlı futbolçu baş məşqçi Hans-Diter Flikin etimadını itirib.
Bu səbəbdən “Barselona”nın Baldeni qış transfer pəncərəsində satmağı planlaşdırdığı bildirilir.
Məlumata əsasən, Baldenin transferini həyata keçirməkdə İngiltərənin “Liverpul” klubu maraqlıdır.
Mersisayd təmsilçisinin sol cinah müdafiəçisi üçün 30 milyon avro təklif etməyə hazırlaşdığı qeyd olunur.
“Barselona” isə futbolçunun satışından daha çox gəlir əldə etmək istəyir və Balde üçün 40 milyon avro tələb edir.
Alexandro Balde indiyədək “Barselona”nın heyətində 169 matça çıxıb. O, bu oyunlarda üç qol vurub və 21 məhsuldar ötürmə edib.
