OMM Redaksiyası
Abbas Hüseynov “Qarabağ”ın düşərgəsini tərk edib və klubla əlaqəsini kəsib. Müdafiəçi əvəzedici heyətin məşqlərində iştirak etməkdən də imtina edib.
AZƏRTAC-ın məlumatına görə, bu barədə Ağdam klubunun əvəzedici komandasının baş məşqçisi Maksim Medvedev danışıb. Onun sözlərinə görə, Hüseynov məşqlərə qatılmamaq qərarını şəxsən ona çatdırıb.
“Abbas mənə dedi ki, bundan sonra hətta ikinci əvəzedici komandanın da məşqlərinə qatılmayacaq. O, ümumiyyətlə, klubla əlaqəni kəsib. Mənim bildiyim yalnız budur. Qalan məsələlər futbolçu ilə rəhbərlik arasındadır”, – Medvedev bildirib.
Abbas Hüseynov ötən mövsüm nizam-intizam qaydalarını pozduğuna görə “Qarabağ”ın baş məşqçisi Qurban Qurbanovun qərarı ilə əvəzedici heyətə göndərilmişdi.
