OMM Redaksiyası
Davit Volkov Azərbaycan Premyer Liqasında eyni klubun heyətində 40 qol vuran 30-cu futbolçu kimi qeydə alınıb.
Gürcüstanlı hücumçu Premyer Liqanın IX turunda “Sumqayıt”la keçirilən ev oyununda fərqlənib. “Qarabağ”ın 3:2 hesablı qələbəsi ilə başa çatan matçda vurduğu qol Volkovun eyni klubda 40-cı qolu olub.
Forvard bu göstəriciyə 121-ci oyununda çatıb. Onun orta məhsuldarlığı hər matça 0,33 qol təşkil edir.
Volkovun nəticəsi Fernando Peresin (“Bakı”) və Mehman Allahverdiyevin (“Kəpəz”) göstəricisi ilə eynidir. Azərbaycan çempionatında eyni klubda ən çox qol vurmaq rekordu isə “Qarabağ”ın heyətində 109 dəfə fərqlənən Müşfiq Hüseynova məxsusdur.
