OMM Redaksiyası
“Sabah”ın futbolçusu Umarali Raxmonaliyev komandanın UEFA Çempionlar Liqası və Misli Premyer Liqasında yaxşı nəticələr qazanmaq üçün çalışacağını bildirib. 23 yaşlı özbəkistanlı yarımmüdafiəçinin sözlərinə görə, komanda sıx oyun qrafikinə uyğunlaşmalıdır.
Raxmonaliyev UEFA Çempionlar Liqasında “Vikinq”lə səfər matçının çətin olacağını qeyd edib. O bildirib ki, Norveçə yollanmadan əvvəl “Sabah” səfərdə “Turan Tovuz”la qarşılaşacaq və komanda həm avrokuboklarda, həm də çempionatda yaxşı nəticə əldə etmək üçün bu qrafikə öyrəşməlidir.
“Qarabağ”la oyun barədə
Futbolçu Misli Premyer Liqasının IX turunda “Qarabağ”la 0:0 hesablı heç-heçə etdikləri matçı maraqlı adlandırıb. Onun fikrincə, azarkeşlər qarşılaşmadan zövq alıblar, “Sabah” qələbə üçün çox çalışsa da, komanda hücumun üçüncü zonasında yaratdığı imkanları dəyərləndirə bilməyib.
Raxmonaliyev stadionun və ot örtüyünün yüksək səviyyədə olduğunu, futbolçuların da oyundan zövq aldığını vurğulayıb.
O, cari mövsüm Misli Premyer Liqasının daha maraqlı keçəcəyini düşünür. Raxmonaliyevin sözlərinə görə, bütün komandalar yaxşı mübarizə aparır və bu, azarkeşlər üçün də müsbət haldır. Mübarizə mövsümün sonunadək davam edəcək, çempion isə daha güclü komanda olacaq.
