Tərcümeyi-hal
Sənan Hacıyev 1978-ci ildə anadan olub.
2001–2006-cı illərdə Ədliyyə Nazirliyinin Elmi-Tədqiqat Məhkəmə Ekspertizası, Kriminalistika və Kriminologiya Problemləri İnstitutunda kiçik elmi işçi və elmi işçi, 2006–2010-cu illərdə nazirliyin Beynəlxalq əməkdaşlıq idarəsində məsləhətçi, aparıcı məsləhətçi, böyük məsləhətçi və baş məsləhətçi işləyib. 2010–2013-cü illərdə Bakı şəhəri Nərimanov Rayon Məhkəməsinin, 2013–2018-ci illərdə Bakı Apellyasiya Məhkəməsinin hakimi olub.
2018-ci ildən Ali Məhkəmənin hakimi, 2020-ci ildən Ali Məhkəmənin Mülki kollegiyasının sədridir. 2021-ci ildən Məhkəmə-Hüquq Şurasının üzvü, 2023-cü ildən Azərbaycan Hakimlər İttifaqının sədr müavinidir. 2023-cü ildə 3-cü dərəcəli “Vətənə xidmətə görə” ordeni ilə təltif edilib.
Təhsil
- 2000 — Azərbaycan Tibb Universiteti, Müalicə-profilaktika fakültəsi
- 2001 — Azərbaycan Beynəlxalq Universiteti, Hüquq fakültəsi (bakalavr, qiyabi)
- 2004 — Bakı Dövlət Universiteti, Hüquq fakültəsi (magistratura)