Əsas məzmuna keç
Operativ Məlumat Mərkəzi
Samir Ənvər oğlu Şərifov

Samir Ənvər oğlu Şərifov

Xarici işlər nazirinin müavini

Mənbə: mfa.gov.az · yoxlanılıb 08.09.2026

Tərcümeyi-hal

1976-cı il noyabrın 25-də Bakı şəhərində anadan olub.

2000–2004-cü illərdə Xarici İşlər Nazirliyinin Beynəlxalq hüquq və müqavilələr idarəsində, 2004–2007-ci illərdə Azərbaycan Respublikasının Avropa Şurası yanında Daimi Nümayəndəliyində, 2007–2009-cu illərdə yenidən Beynəlxalq hüquq və müqavilələr idarəsində çalışıb. 2009–2014-cü illərdə Azərbaycan Respublikasının BMT yanında Daimi Nümayəndəliyində birinci katib və müşavir vəzifələrində işləyib; Azərbaycanın 2012–2013-cü illərdə BMT Təhlükəsizlik Şurasının qeyri-daimi üzvlüyü dövründə siyasi əlaqələndirici olub.

2014–2018-ci illərdə Beynəlxalq hüquq və müqavilələr idarəsinin rəis müavini, 2018–2021-ci illərdə Azərbaycan Respublikasının Rusiya Federasiyasındakı Səfirliyinin müşavir-elçisi, 2021–2023-cü illərdə Beynəlxalq hüquq və müqavilələr idarəsinin rəisi vəzifələrində çalışıb. Azərbaycan Respublikası Prezidentinin 2023-cü il 8 sentyabr tarixli Sərəncamı ilə xarici işlər nazirinin müavini təyin olunub; 2026-cı il 8 iyul tarixli Sərəncamla ona “fövqəladə və səlahiyyətli səfir” diplomatik rütbəsi verilib.

Səhv görürsünüz? Redaksiyaya yazın

Təhsil

1993–1997-ci illərdə Bakı Dövlət Universitetinin Beynəlxalq hüquq və beynəlxalq münasibətlər fakültəsində beynəlxalq hüquq ixtisası üzrə bakalavr, 1998–2000-ci illərdə magistr, 2000–2003-cü illərdə aspirantura pilləsi üzrə təhsil alıb. 2002-ci ildə Vyana Diplomatik Akademiyasında, 2003-cü ildə İnsan hüquqları üzrə Stokholm Universitetində kurslarda iştirak edib.

Xəbərlərdə