Baş Dövlət Yol Polisi İdarəsi sürücülərə çağırış edib

Baş Dövlət Yol Polisi İdarəsi bayram tətili ilə əlaqədar bölgələrə səfər edən vətəndaşların daimi yaşayış yerlərinə qayıtması səbəbindən yollarda hərəkət intensivliyinin artacağını bildirib. "Operativ Məlumat Mərkəzi-OMM"-ə daxil olan məlumata görə, qurum sürücülərə tətil günlərini təhlükəsiz başa vurmaq üçün bir sıra tövsiyələr verib.

Yol polisi sürücülərdən aşağıdakı məqamlara diqqət yetirmələrini xahiş edir:

• Mümkün qədər günün işıqlı saatlarında yola çıxmaq;
• Yorğun və yuxusuz halda sükan arxasına keçməmək;
• Yola düşməzdən əvvəl nəqliyyat vasitəsinin texniki sazlığını yoxlamaq;
• Yol və hava şəraitini nəzərə alaraq sürət rejiminə, ötmə və manevretmə qaydalarına ciddi riayət etmək.