OMM Redaksiyası
İtaliyalı tennisçi Yannik Sinner növbəti mövsüm üçün özünə yeni məşqçi seçib. Dünya reytinqinin birinci pilləsində qərarlaşan idmançı isveçli Maqnus Normanla işləyəcək. Bu barədə “The Times” məlumat yayıb.
Sinnerin hazırkı məşqçisi, avstraliyalı Darren Cahillin karyerasını başa vuraraq təqaüdə çıxacağı gözlənilir. Norman isə məşqçi heyətində italiyalı Simone Vanyoççi ilə birlikdə çalışacaq.
Normanın rəhbərliyi altında isveçrəli tennisçi Stanislav Vavrinka Böyük Dəbilqə turnirlərində üç dəfə qalib olub.
Sinner oktyabrın əvvəlində mövsümü vaxtından əvvəl başa vurduğunu açıqlamışdı. Bununla yanaşı, o, dekabrda Ər-Riyadda keçiriləcək Six Kings Slam turnirində iştirakını təsdiqləyib.
