OMM Redaksiyası
Portuqaliyanın Portiman şəhərində keçirilən veteranlar arasında cüdo üzrə Avropa çempionatında Azərbaycan millisinin üzvü Elçin Məmmədov bürünc medal qazanıb.
100 kq-dək çəki dərəcəsində M2 yaş kateqoriyasında çıxış edən idmançı üçüncü yer uğrunda görüşdə Almaniya təmsilçisi Saşa Mixalskiyə qalib gəlib.
Bu nəticə ilə Azərbaycan millisinin qitə çempionatında qazandığı medalların sayı dördə çatıb. Daha əvvəl Fərhad Rəcəbli (M8, 90 kq) qızıl, Elşən Kərimov (M4, 60 kq) və Babək Hacıyev (M5, 60 kq) isə gümüş medal qazanıblar.
