OMM Redaksiyası
Rusiya və Ukrayna arasında uzaqmənzilli zərbələr davam edir. Yerli rəsmilərin məlumatına görə, Rusiyanın şənbə günü Ukraynanın bir neçə bölgəsinə endirdiyi hava zərbələri nəticəsində ən azı 10 nəfər ölüb, onlarla insan yaralanıb.
Ukrayna Prezidenti Volodimir Zelenski bildirib ki, Rusiya şənbə gününün əvvəlindən etibarən ölkəyə 500-ə yaxın dron buraxıb. Onun sözlərinə görə, hücumların hədəfində yaşayış əraziləri, biznes obyektləri və infrastruktur olub.
Rusiya isə qüvvələrinin Ukraynanın sənaye və liman obyektlərinə zərbələr endirdiyini açıqlayıb. Bildirilib ki, Zaporojye və Odessa vilayətlərindəki obyektlər də hücumların hədəfi olub.
Ukrayna tərəfi Rusiyanın Samara vilayətindəki sənaye infrastrukturuna zərbələr endirildiyini bildirib. Dron təhlükəsi səbəbindən Moldovanın hava məkanı təxminən bir saat müddətinə bağlanıb, həmçinin yeddi sərhəd-keçid məntəqəsində fəaliyyət müvəqqəti dayandırılıb.
Rusiya rəsmiləri isə şənbə günü Ukraynanın dron hücumları nəticəsində Rusiyanın nəzarətində olan Ukrayna ərazilərində üç nəfərin öldüyünü bildiriblər.
