OMM Redaksiyası
Avropa İttifaqı Ukraynaya raket və dronların alınması üçün 3,3 milyard avro (3,8 milyard dollar) vəsait ayıracaq.
Avropa Komissiyasının rəhbəri Ursula fon der Lyayen bu barədə Ukrayna Prezidenti Volodimir Zelenski ilə telefon danışığından sonra açıqlama verib. O bildirib ki, ödəniş Ukraynaya sabah köçürüləcək.
Fon der Lyayen vəsaitin Rusiyanın Kiyevə davam edən zərbələri fonunda ayrıldığını qeyd edib. Onun sözlərinə görə, Rusiya Kiyevi dayanmadan hədəfə alır və şəhər sakinləri üçün gündəlik həyatı mümkünsüz etməyə çalışır.
Bu maliyyə Aİ-nin Ukrayna Müdafiə Krediti çərçivəsində cari il üçün müdafiə məqsədlərinə ayırdığı 28,3 milyard avroluq vəsaitin bir hissəsidir.
ABŞ Prezidenti Donald Tramp isə Polşada ABŞ ordusunun bazasının yaradılması istiqamətində irəliləyiş olduğunu bildirib. O, bu təşəbbüsə görə Polşa Prezidenti Karol Navrotskinin “cəsarətli liderliyini” yüksək qiymətləndirib.
Tramp bildirib ki, layihə reallaşacağı təqdirdə bazanın yeri yaxın zamanda açıqlanacaq. Karol Navrotski isə Polşanın müdafiə əməkdaşlığını gücləndirmək üçün səyləri davam etdirməyə hazır olduğunu deyib.
